
ලෝක ළමා දිනය 2026 | දරුවන්ගේ සිහිනවලට සවියක්… ❤️
“දරුවෙකුගේ අනාගතයට දෙන හොඳම ත්යාගය අධ්යාපනයයි…
ජීවිතයට නැවත පියවරක් ලබාදීම මනුෂ්යත්වයයි…” 🙏
ලෝක ළමා දිනයට සමගාමීව සමස්ත ලංකා බෞද්ධ මහා සම්මේලනයේ ජාතික තරුණ මණ්ඩලයට අනුබද්ධිත ශ්රීමත් ඩී.බී. ජයතිලක අනුස්මරණ අධ්යාපනික ශිෂ්යත්ව කමිටුව විසින් සංවිධානය කළ ශ්රීමත් ඩී.බී. ජයතිලක අනුස්මරණ අධ්යාපනික ශිෂ්යත්ව ප්රධානෝත්සවය සහ “සවි සුව” කෘතිම පාද පිරිනැමීමේ වැඩසටහන 2026 ඔක්තෝබර් 03 වන දින බෞද්ධ මහා සම්මේලන ශාලාවේදී සාර්ථකව පැවැත්විණි. 🌸
🎓 දරුවන්ගේ අධ්යාපන සිහිනයට අතහිත…
මෙහිදී,
🔹 සාමණේර භික්ෂූන් වහන්සේලා
🔹 මෙහෙණින් වහන්සේලා
🔹 පාසල් අධ්යාපනය ලබන දරුවන් 18 දෙනෙකු
🔹 විශ්වවිද්යාල අධ්යාපනය ලබන දරුවන් 5 දෙනෙකු
සඳහා අධ්යාපනික ශිෂ්යත්ව පිරිනැමීම සිදුකෙරිණි.
💰 රුපියල් මිලියනයක ශිෂ්යත්ව භාර අරමුදලක්!
මෙම ශිෂ්යත්ව වැඩසටහන අඛණ්ඩව ඉදිරියට ගෙන යාම සඳහා රුපියල් මිලියනයක ශිෂ්යත්ව භාර අරමුදලක් පිහිටුවීම සනිටුහන් කරමින්, ඒ සඳහා දායක වූ ආචාර්ය නිමල් හෙට්ටිආරච්චි මහතා වෙත විශේෂ ප්රණාම සම්මානයක් ද පිරිනමන ලදී. 🏆
🙏 ගෞරවනීය ආරාධිතයන්ගේ සහභාගිත්වයෙන්
මෙම අවස්ථාවේ මුලසුන රාජකීය පණ්ඩිත ආචාර්ය කන්දේගම දීපවංසාලංකාර නායක ස්වාමීන් වහන්සේ විසින් හෙබවූ අතර,
🇮🇳 ඉන්දියානු මහ කොමසාරිස් කාර්යාලයේ දෙවන ලේකම් Ramya Chandrasekaran මැතිනිය
🇳🇵 නේපාල් තානාපති කාර්යාලය නියෝජනය කරමින් Vijay Kumar Raut මහතා
ඇතුළු ගෞරවනීය ආරාධිතයන්ගේ සහභාගිත්වයෙන් මෙම උත්සවය පැවැත්විණි.
එමෙන්ම සමස්ත ලංකා බෞද්ධ මහා සම්මේලනයේ සභාපති චන්ද්ර නිමල් වාකිෂ්ට මහතා, නියෝජ්ය සභාපති රොෂාන් මද්දුමගේ මහතා, ශිෂ්යත්ව කමිටු සභාපති උපේක්ෂ පෙතියාගොඩ මහතා, කෘත්යාධිකාරී හා විධායක මණ්ඩල නිලධාරීන් සහ විශේෂ ආරාධිත අමුත්තන් රැසක් ද එක්ව සිටියහ.
🤝 අපගේ කෘතවේදීත්වය
මෙම සත්කාර්යය සඳහා බැංකු සහකරු ලෙස කාගිල්ස් බැංකුව ලබාදුන් විශේෂ අනුග්රහයට අපගේ ගෞරවනීය ස්තුතිය පුද කරමු.
එමෙන්ම,
🎓 ශිෂ්යත්ව සඳහා දායක වූ සියලු දෙනාටත්,
🤝 මෙම වැඩසටහන සාර්ථක කර ගැනීමට නන් අයුරින් සහය වූ සියලු දෙනාටත්,සමස්ත ලංකා බෞද්ධ මහා සම්මේලනයේ ගෞරවනීය ප්රණාමය!
























